జయ జయ జయహే భారతీ - గీత్

జయ జయ జయహే భారతీ - జగమంత కోరు నీ సంస్కృతి   ౹౹ 2 ౹౹

జీవజాతులకు అంతేలేదు - వైరుధ్యానికి తావేలేదు

ప్రకృతితో పెనవేసిన బంధం - పరస్పరమ్ము స్వయంపూరకం

ఇదేమి తంత్రం అదే విచిత్రం - ప్రాణికోటి ఆరాధన మంత్రం  ౹౹ 2 ౹౹

అనాదిగా ఇది మనకు ప్రబోధం - పునాదిగా ప్రభవించిన వేదం    *౹౹  జయ జయ జయహే  ౹౹*

తల్లి వైభవం తలపున ఉంచి - సమర్పణమ్మును మనసున ఎంచి

ఒరిగిన వీరులు తెగిన కంఠములు - ఆజన్మాంతపు జీవన సమిధలు

పరచిన దారిలొ నడచిన సేనలు - పరిత్యజించెను సర్వసుఖమ్ములు ౹౹ 2 ౹౹

పుడమీ పుత్రుల బంధం చూసి - ప్రపంచమే ప్రణమిల్లెను మురిసి    *౹౹  జయ జయ జయహే  ౹౹*

ప్రతీ మొక్క ఒక వృక్షమవ్వగ - చుక్క చుక్క ఒక నదిగ మారగ

అరమరికల అంతరములు మరిచి - అంటరానితనమన్నది తుడిచి 

పల్లె పల్లెలో ప్రతీ ఇంటిలో - సంఘమంత్రమే ప్రతిధ్వనించగ   ౹౹ 2 ౹౹

పరమవైభవం తీరం చేరగ - పయనించెద మీ మేను నావగ       *౹౹  జయ జయ జయహే  ౹౹*

*గమనిక :-*

    ఈ పాటతోపాటు ఆడియో ఫైల్  కూడా మీకు పంపుతున్నాము. శిబిర అపేక్షితులు అందరూ ఇది అభ్యాసం చేసి రావాలి. మన జిల్లా/ఖండ/నగర అభ్యాస వర్గలలో, బైఠకులలో దీనిని అభ్యాసం చేయాలి. నేరుగా ఆడియో ఫైల్ Play చేసి పాడుకోవచ్చు. వేరే ఇంకెవరో పాడించాల్సిన అవసరం లేదు. ఆడియో ఫైల్ అలాగ తయారు చేశారు. మైక్ ఉంటే ఇంకా బాగా వినబడుతుంది.